الموضوع: تصرفات غير لائقة لبعض النساء في الأسواق...!!

قبل فترة رجعت من العمل في ساعة متأخرة ...فوجدت خالتي الكبيرة في المنزل عائدة من القريه فطلبت مني الوالدة أن أخذهم للسوق لأن خالتي تريد أن تشتري هدايا وحاجات قبل ماترجع للديرة ..
الصراحة ما تعودت أروح للأسواق لأني أخاف على البنات من عيوني .. بس شو أسوي أمر الله شق القربة ..

رضخت للأمر الواقع وجيت أغير ملابسي لكن خالتي رفضت لأنها مستعجلة ..رحنا للسوق .. ولأني مادخلت الأسواق من زمان بسبب الأوضاع الأمنية المتدهورة في البلاد .. لكني تفاجأت يوم دخلنا وشفت المحلات والأنوار والمتسوقات كلهم كانوا غير عن أول .. (فتحت فمي) من هالمناظر وصرت مثل القروي ألي أول مرة يسافر للخارج ..
أخذنا لفة قصيرة بعدها دخلنا محل أقمشة وعلى طول راحت الوالدة والخالة يقلبن الأقمشة ويسألن عن الأسعار ويكاسرن .. وماكفتهم الأقمشة المعروضة فقامن وطلبن منه تنزيل الطاقات المصفوفة على الرفوف لحد ماصار جبل من القماش فوق الطاولة .. وبالأخير تركن كل شي وطلعن بدون مايشترن وبدون مايتأسفن أو يشكرنه .. الصراحة وجهي وصار أحمر من الفشيلة وتمنيت أني مكانه والله الأ أقفل المحل وأروح للبيت لابوها من شغلانة ..
بس تريدون الجد .. يستاهل من قاله يصير بياع ملابس حريم ؟؟
حاولت آخذ بخاطره وبخاطري .. تبسمت وهزيت رأسي يعني مثل قولة آسفين على الإزعاج .. بس ما أعطاني وجه ..
الغريب إني كل مادخلت لمحل احصل بنت أو شلة بنات قاعدات يسولفن مع البياع ويضحكن وماخذات راحتهن على الأخر .. قليلات حيا والله .. الكبيرة بالعمر ماحد يشره عليها .. لكن المشكلة البنت الشابة ألي تجلس تطق حنك وتضحك مع البياع واللي يشوفها يقول إنه واحد من بقية أهلها والله ماتسولف بنفس الحرية والحميمية مع إخوانها وأهلها .. يعني ماشاء الله عليهن تقعد الوحدة تتكلم مع البائع وكنها تقرأ من كتاب حتى ألي يقرأ من كتاب يغلط وهي ماتغلط . الشيء الغريب أن الوالدة طلبت نجيب شغله من محل قريب رحت أنا و اخوي .. و صار هالموقف !!
خمس أو ست بنات .. ماشين بالعرض .. كأنهم صافين للصلاة.. و مسكرين الطريق.. طيب وين نروح ا حنا ؟ وشنو قصدهم من هالحركة ؟؟
بالله عليكم انط من الدور الثاني حتى ما المسهم ؟؟
بتفكير ثواني .. قلت لأخوي .. امش وراي ..
و اندفعت ناحيتهم بقوة .. و وجهي احمر من الغضب ..
المشكلة أن الشغلة عاااااادي عندهم .. و لا وسعوا الطريق .. إلا آخر لحظة .. يعني لو مو موسعين .. كانت اللي قدامي في المستشفى هههههههههههههه
و الله شي يقهر .. و قلة حياء ...بالله عليكم مارأيكم بهذه التصرفات من قبل بعض النساء,,,!!؟

مـــنـــــقـــــول

مواضيع عشوائية , قد تعجبك:

• لا تعطين الرأي من لا يفيده 17/05/2010 8:24 PM
• فاظفر بذات الدين 07/10/2008 12:33 AM
• حذف المصطلحات ذرّ للرّماد في العيون 11/04/2010 11:32 PM
• من تختارة.....ليمسح......دمعتك....... 10/12/2009 1:04 AM
• تنبيه هام + دليل مصور __ ولكم المناقشة__ 26/10/2008 11:22 PM